قصيدة من حسنى مبارك الي الشعب ممنوعة من النشر

هذه القصيدة من اشعار شاعر العامية الكبير

أحمد فؤاد نجم ..

وطبعاً القصيدة منعت من النشر في مصر ولكن لا يستطيعون أن يمنعونا من نشرها على الانترنت لاننا نعيش الحرية على النت مدام مش عارفين نعيشها في بلد حسني مبارك والاربعين حرامي ..؟

تعالوا نشوف بيقول ايه عمنا احمد فؤاد نجم :-

من حسنى مبارك " إلى شعب مصر "

ياشعبي ياحبيبي ياروحي يابيبي ياحاطك في جيبي يابن الحلال ..

ياشعبي ياشاطر ياجابر خواطر ياساكن مقابر وصابر وعال ..

ياواكل سمومك يابايع هدومك ياحامل همومك وشايل جبال ..

ياشعبي اللي نايم وسارح وهايم وفي الفقر عايم وحاله ده حال ..

احبك محشش مفرفش مطنش ودايخ مدروخ واخر انسطال ..

احبك مكبر دماغك مخدر ممشي امورك كده باتكال ..

واحب اللي ينصب واحب اللي يكدب واحب اللي ينهب ويسرق تلال ..

واحب اللي شايف وعارف وخايف وبالع لسانه وكاتم ماقال ..

واحب اللي قافل عيونه المغفل واحب البهايم واحب البغال ..؟؟

واحب اللي راضي واحب اللي فاضي واحب اللي عايز يربي العيال ..

واحب اللي يائس واحب اللي بائس واحب اللي محبط وشايف محال ..

واحبك تسافر وتبعد تهاجر وتبعت فلوسك دولار او ريال ..

واحبك تطبل تهلل تهبل عشان مطش كوره وفيلم ومقال ..؟؟

تحضر نشادر تجمع كوادر تلمع تقمع تظبط مجال ..

لكن لو تفكر تخطط تقرر تشغلي مخك وتفتح جدال ..

وتبدأ تشاكل وتعمل مشاكل وتنكش مسائل وتسأل سؤال ..

وعايز تنور وعايز تطور وتعمللي روحك مفرد رجال ..

ساعتها حجيبك لايمكن اسيبك وراح تبقى عبره وتصبح مثال ..

حبهدل جنابك وأذل اللي جابك وحيكون عذابك ده فوق الاحتمال ..

وامرمط سعادتك واهزأ سيادتك واخلي كرامتك في حالة هزال ..

وتلبس قضيه وتصبح رزيه وباقي حياتك تعيش في انعزال ..

هاتقبل هحبك حترفض هالبك حتطلع حتنزل هاجبلك جمااااال ..؟؟

متشكرين شكلنا هنتحبس الاتنين

شكرا على الموضوع

منا شايفة كدة باردوا بس متخافيش دة انتى ورايا

على فكره الحطان ليها ودان وانا مبحبش الفتنه خااااااااااااالص ههههههههههه

بس بجدا احنا فعلن كدا ويارب نفوء من ال احنا فيه قبل فوات الاوان

و وقواع الكرسه.

وبجدا مشكوووووووووووووووووووووووووووورجدا
[/center]

معلش يادموع احنا مش بنخاف بس لو اتمسكت انا ولا اعرفك ولا الموضوع دة موضوعى وبعدين عندك حق والله بس للاسف الشعب مش هيفوق
شوفت نستنى اقولك نورتنى

ايه يا بنتى المواضيع الجامدة دى
شكلنا كلنا هنتحبس والمنتدى هيتشمع بالشمع الاحمر
تسلم ايديكى يا يويو

تسلمى ياقمر وبعدين متخافيش يابنتى مدام انا موجودة يبقي اكيد ياعنى معتقلين

الحمد لله انا مبخفش ألا من اللى خلقنى وبس
اى حد تانى يورينى نفسه
احنا جامدين اووووووى

ايوة كدة يابنتى متخافيش زى كدة عشان نكون مع بعض في المعتقل وبعدين بقي نقوم قيلين ان علياء معانا عشان نكون احنا التلاتة مع بعض

هههههههههههه
حرام عليكى طيب والبت ذنبها ايه

اصل لولو صحبتى اوى اوى فمقدرش اسبها لوحدها لازم نكون مع بعض وبعدين هى تفضل تعمل اية لوحدها ولازم نعذبها معانا ياعنى مش كلنا صحاب نفرح مع بعض ونتعذب مع بعض

هههههههههههه
اذا كان كده يبقى ماشى

هههههههههه
شوفتى عشان مش تظلمينى تانى

ايوااااااا وانا اقدر بردوه

ايوة كدة بس علي فكرة لو قدرتى انا مش هزعل ياعنى

تسلملى يا عسسسل

» تامر حسنى
» نص كلمة الرئيس مبارك 10 نوفمبر 2010
» قمة مصرية إريترية للرئيس مبارك مع الرئيس أفورقى
» مبارك يمتلك مقبرة بها تكييف مركزي وتليفون دولي ومجهزة بأثاث فخم